The Vampire Diaries - Season 2 complete story in HINDI | TVD

                                                                                                                                                                                                                             

image source: google

                                                                                                                                                                                                                                                                                                                                                                                                                                                                                                

Last season mein John k weapon (vampire or werewolf ko weak karna k liye use hota hai) se Tyler(werewolf) weak hojata hai jiski wajah se Tyler or Caroline ki car ka accident hojata hai or Caroline ki halat critical hojati hai. Damon Elena or Bonnie se kehta hai k Caroline(Elena's friend) ko bachane ka ek hi rasta hai uska(Damon) blood. Pehle to wo dono mana kardeti hain kyuki uske baad wo vampire ban jaegi lekin baad mein maan jati hain kyuki Elena kisi bhi halat mein Caroline ko khona nahi chahti. Udhar Tyler k uncle Mason Lockwood(werewolf) ki entry hoti hai. 

Damon or Katherine ka intimicy scene bhi dikhaya jata hai. Jab Damon Katherine se kehta hai k wo kahe k wo usse pyar karti hai to wo kehti hai"it will always be Stefen". Is baat se  upset hokar wo Elena k pass jata hai or use kiss karne ki kosis karta hai lekin Elena use rokte hue kehti hai k wo Stefen se pyar karti hai. Jiske baad Damon gusse me  Jeremy ki gardan tod deta hai. Lekin wo bach jata hai kyuki usne Gilbert Ring pehni hui thi. Caroline vampire ban jati hai or use blood ki cravings hoti hain jiske chalte wo ek ladke Carter ko mar deti hai. Wo apni iss adat ki wajah se khudse nafrat karne lagti hai lekin Stefan use samjata hai k wo uski help karega normal hone mein. Bonnie Caroline ko ek ring banake deti hai jisse weh din me ghoom sake.

image source: google

Elena, Damon, Alaric Isobel k purane office Duke University jate hain jaha unhe pata chalta hai k pehle vampire or werewolf freely ghoomte the fir Shaman(supernatural power)ne un par ek curse lagakar unki power limited kar di thi. Jiski wajah se werewolf moon k servent hain or vampires sun k slave.  Mason Stefan or Caroline par attack karta hai lekin Tyler unhe bacha leta hai. Caroline apni thirst ki wajah se Matt se feed karti hai or uski memory erase kardeti hai or use protect karne k liye usse breakup karleti hai.

image source: google

Katherine Stefan se kehti hai, agar wo Elena ko bachana chahta hai to usse breakup kar le. Jiske baad dono Katherine ko dikhane k liye fake act karte hain . Damon silver knife se Mason ko marne ki kosis karta hai, lekin Mason ko kuch ni hota or weh damon se kehta hai k ye ek myth(silver knife se werewolf ki death) hai. Uske baad dono enemy banjati hain. Katherine flashback recall karti hai jahan Damon or Stefan use bachate hue mar jate hain. unki mautt k baad wo stefan ko kiss karti hai or kehti hai hum fir milenge.

Mystic falls picnic wale din Mason sheriff ko btata hai k Stefan or Damon vampire hain. Sheriff unhe marne wali hi hoti hai k Elena or Caroline unhe bacha lete hain. Jab Sheriff ko pata chalta hai k Caroline ek vampire hai or to weh use apni daughter manne se mana kardeti hai. Jiske baad Caroline uski memory erase kar deti hai. Stefan apni strength gain karne k liye Elena ko feed(Elena ki permisson se) karta hai. Mason Katherine se pyar karta hai or uske liye kaam karta hai. Damon use samjhata hai k Katherine sirf uska use kar rahi hai wo usse pyar nahin karti. Lekin wo Damon ki baaton par yakin nahi karta isliye Damon use mardeta hai. Mason k marne k baad Katherine dusre werewolf ki talas karti hai. Weh Matt ko compell karke use Tyler par attack karne ko kehti hai. Jisse Tyler Matt ko markde or werewolf ban jae(curse). Lekin Caroline unki fight rok deti hai par Sarah(compelled by Katherine) Tyler par attack kar deti hai jiski wjaha se weh uski grdan todeta hai or werewolf ban jata hai.

image source: google

Stefan, Alaric, Damon, Bonnie, Caroline Katherine ko marne ka plan banate hain lekin Jeremy unhe ye kehkar rok deta hai k wo jitni baar Katherine par attack karenge uska asar same elena par bhi hoga. Katerine fir unhe btati hai k uski friend Lucy(witch) ne uske or Elena k upper common spell kiya hua hai. Lucy(Bonnie ki cousin) Bonnie k kehne par spell hata deti hai or wo log Katherine ko tomb me band kardete hain. Bonnie ko sapna aata hai k Moonstone ek kuae(well) mein hai. Stefan use lene k liye kuae mein kood jata hai lekin use pata chalta hai k kua pura vervain se bhara hua hai. Elena, Bonnie, Caroline use bacha lete hain. 

Trevor(vampire) Elena ko kidnap karke Rose(Trevor's gf) k paas le jata hai. Lekin tabhi Elijah wahan aajata hai. Wo dono Elijah se maafi k badle use Elena offer karte hain. Elijah maan jata hai lekin Trevor ko mar deta hai. Bonnie spell k jariye Elena ka pata laga leti hai. Stefan or Damon waha jakar Elijah par lakdi se war kar deta hain or Elena ko waha se le jate hain. Elena apna necklace waha bhool jati. Elena ko necklace dene k liye Damon  uske ghar jata hai or usse kehta hai k wo use bhot pyar karta hai par wo sirf Stefan ko deserve karti hai. Jiske baad weh uski memory erase karke wahan se chala jata hai.

image source: google

Elena tomb me Katherine se milne jati hai or use sari information k badle blood offer karti hai. Katherine use batati hai k usne 1490's mein ek ladki ko janam diya tha jisko uske pita usse cheen k legaye the. Or wo(Elena) usi k vansaj se hai. Wo kehti hai k wo vampire sirf islia bani taaki curse khatam karne k liye Klaus use na maare . Klaus se bachne k liye hi wo Mystic Falls aai hai. Or apni jaan k badle wo Klaus ko ek doppelganger, ek vampire, ek werewolf or moonstone offer karegi jo Klaus ko apna curse khatam karne ki liye chaiye.

 

image source: google

Damon or Rose Rose k friend Slater se Klaus k baare me information ikatha karte hain jise Elijah sunleta hai or Slater ko mardeta hai. Elena Slater k computer ki help se Klaus ko message bhej deti hai k wo khudko use surrender karna chahti hai. Bonnie Luka(witch) or Jonas(Luka's father) se milti hai. Bonnie luka ki help se moonstone break krti hai lekin wo ek fake moonstone hota hai asli wala wo pehle hi apne father ko dedeta hai. Baad me Bonnie or uske firend ko pata chalta hai k wo dono Elijah k lia kaam kar rahe hain.  Bonnie ki tomb kholne ki kosis karne se pehle Jeremy waha chala jata h kyuki spell se Bonnie ki jaan ko khatra hai. Katherine use pakad leti h or usse feed karti hai tbhi Stefan wahan aajata hai or Jeremy k badle me khud waha reh jata h.

Full moon wale din Caroline Tyler ki first transformation(wolf) mein help karti hai. Stefan Katherine se kehta hai k wo use prove kare k usme kuch achai abhi baki hai. Katherine kehti h wo Klaus k baare me Isobel(Elena ki maa) se pata kare. Elijah Elena se deal karta hai k wo khudko Klaus se protect kare jisse wo use Klaus ko marne k liye istemal kar sake. Elena maan jati hai or badle mein promise chahti hai k wo uske family or friends ko protect karega. Udhar damon ko marne k lia Jules(wolf) Salvatore house aati hai. Damon bach jata hai lekin Rose par attack hojata hai. Wolf bite ka cure dhoondne k liye wo Jules k paas jata hai to wo usse kehti hai k uske koi cure nahin hai. Tab Damon Rose ka pain kam karne k liye use uske old home k baare me btate hue uske dil me lakdi ghusa kar use maar deta hai. Damon Rose ki maut se bhot dukhi hota hai. Raste me wo ek ladki se kehta hai k wo insan hona bhot miss kar raha hai or us ladki ko waha se jane ko kehta hai. Jaese hi ladki mudti hai weh use bhi maar deta hai.

image source: google

Jules Tyler ko Mason ki death k baare me btati hai. Tyler iss baat ko chupane k lia Caroline par gussa hota hai. Jules Mason ki death ka badla lene k liye wolfs(team) k sath milkar sabhi vampires ko marne ka plan banati hai. Tyler ki help se Caroline ko kidnap karleti hai. Jise bachane Stefan or Damon wahan aajate hain. Wo wahan sabhi wolf ko mardete hain lekin jo bach jate hain wo un dono bhaiyo ko marne hi wale hote hain tabhi wahan Jonas(Elijah ki taraf se) bacha leta hai. Caroline ko Tyler chuda leta hai uske baad Caroline usse apni friendship tod deti hai. John Elena or wahan khade sabhi logo  se kehta hai k wo Mystic Falls use hi bachane k liye aaya hai or use bachane or orignals ko marne ka ek hi tarika hai white oak.

Stefan or Elena Katherine se chupkar Gilbert Lake House ghoomne k liye jate hain. Tyler or Brady unhe follow karte hain. Brady Stefan k ladki se war karta hai or Tyler se kehta hai k wo us par nazar rakhe. Jab tyler ko pata chalta hai k curse khatam karne k lia elena ko marne padega to wo Stefan ko jane deta hai. Tyler Jules or Brady(Jules' lover) se kehta hai k Mason ki death isliye hui kyuki uske paas moonstone tha. Stefan Brady ko mardeta hai. Jules or Tyler Mystic Falls se chale jate hain. Jane se pehle Tyler Matt se confess karta hai k wo caroline se pyar karta hai sath hi ye bhi janta hai k wo Matt se pyar karti hai. Jeremy or Bonnie ek dusre se apni feeling confess karte hain or kiss karte hain. 

image source: google

Jab Elena or Stefan Jonathan Gilbert ka Journal padh rahe hote hain to unhe pata chalta hai k agar vampire's originals ko marne ki kosis karenge to wo bhi mar jaenge. Stefan Alaric ko warning bhejta hai lekin usse pehle wo elijah ko mardeta hai, thodi daer baad uske body waha se gayab hojati hai. Tab Elena journal mein padhti hai k agar originals k sareer se dagger nikal diya jae to wo firse jinda ho sakte hain. Elijah Elena se lake house par milta hai or kehta hai k deal khatam. Lekin Elena khudko marne ki dhamki deti hai or apne chaku mar leti hai tab Elijah usse request karta hai k wo use heal karne de badle me Elena kehti h k deal abhi khatam ni hui or Elijah haan kardeta hai. Jab Elijah use heal kar raha hota hai to wo firse Elijah ko mardeti hai jisse katherine pe uska compulsion khatam hojata hai. Jab Damon Katherine se milne jata hai to wo kehti hai k wo unki help karna chahti hai.

image source: google

Stefan or Elena chahte hain k Jonas or Luka unki lia help kare lekin Jonas Elijah ko bachana chahta hai. Katerine jab Luka ko dagger hatane se rokti hai to wo Katherine k bhi dagger ghusa deta hai. Use nikalne k liye Damon fire ka use karte hai jisse Luka jalkar mar jata hai. Apne bete ki death ka badla lene k liye Jonas Elena ko marne ki kosis karta hai. Lekin jisko wo Elena samjhta hai wo Katherine hoti hai. Katherine jonas ko mar deti hai. Jiske baad Bonnie unhe batati hai k Jonas ne uski power use lota di hai or sath hi Klaus ko marne ka tarika bhi btaya hai. Bonnie Elena ko Jeremy or apne relationship k bare mein batati hai, Elene ka positive response dekh kar wo khus ho jati hai. Udhar Alaric bhi Jenna se kehta hai k wo usse pyar krta hai. Caroline Matt ko apne vampire hone ka sach batati hai to wo acha response ni karta.

Alaric ko Maddox(witch from klaus side) kidnap kar leta hai or Klaus uski body par control karleta hai. Isobel elena ko kidnap karleti hai jiske baad Madoxx usse kehta hai uska kaam khatam. Isobel Elena se mangti buri maa hone k liye maafi mangti hai or Sun me jaake burn hojati hai. Maddox Elena samjhkar Katherine ko kidnap kar leta hai kyuki ye Isobel ka plan hota hai apni beti Elena ko bachane k liye. Stefan or Damon ko pata chalta hai k bonnie unka naya powerful weapon hai jiske paas anokhi power hain. 

Klaus(in Alaric body) Katherine ko compell karke unke plan jaane ki kosis karta hai jisme use pata chalta hai k Bonnie ki extreme power uske liye khatra hai. Jiske baad uski or Bonnie ki fight hoti hai or Bonnie mar jaati hai. Bonnie ko mara samjhkar Elena Elijah ko firse jinda karti hai uske heart se dagger nikal kar, or elijah se ek nayi deal karti hai. 1492's ka flashback dikhaya jata hai, Elijah Elena ko batata hai k Klaus or Elijah dono bhai hain. Unki maa ek hai lekin father alag hain. Uski maa k ek werewolf se relation hone ki wajah se klaus ek hybrid(werewolf+ vampire) hai or wo sirf ek vampire. Klaus ko sirf witch maar sakti hai or Sun or moon curse sab jhoot hai. Witches ne apni power se uski werewolf nature ko daba rakha hai. Jise klaus firse pana chahta hai. Use curse todne k liye actual mein ek werewolf or ek vampire ki jarurat hai. 

image source: google

Damon Katherine se milne jata hai or use vervain deta hai jisse wo Klaus k compulsion se bach sake. Maddox Tyler ko Mystic Falls wapas bulane k liye Carol Lockwood(Tyler's mother) par hamla kar deta hai. Maddox or Greta(Lucka's sister) ek ritual k jariye Alaric ki body se klaus ko bhar nikalte hain. Klaus Alaric k jariye Stefan or Damon tak sacrifice kis din hoga uska message bhejta hai.

Damon Elena ko jabardasti apna blood feed karata hai jisse sacrifice k baad wo firse jinda hojae. Klaus Caroline or Tyler ko kidnap kar leta hai lekin Damon unhe chuda leta hai. Jab Klaus Elena k sath ritual perform kar raha hota hai to Damon usse kehta hai k usne vampire or werewolf ko chuda lia hai, ab wo sacrifice kaese pura karega. Lekin Klaus usse kehta hai k uske paas backup plan hai, wo Jenna ko vampire bana deta hai or Jules(werewolf) ko use karta hai. Bonnie Elena ko bachane k liye John or uski body ko relate kar deti hai or Klaus ko weak kar deti hai. Klaus Jules or Jenna ko mar deta hai. Elijah apni family ki death ka badla lena k liye Klaus ko marne hi wala hota hai k Klaus use kehta hai k use pata h unki body kaha hain or agar usne use mar diya to use kabhi pata ni chalega apni family k bare me. Jiske baad Elijah use lekar waha se gayab hojata hai. Jiske baad Klaus ka ritual complete hojata hai or wo actual mein hybrid ban jata hai. Jiske baad weh Elijah ko mardeta hai kehta hai wo ab jake apni family se mille. Elena jab wapas se jinda hoti hai to John mar jata hai.  Tyler k tranformation k time par wo damon par attack kar deta hai.

image source: google

Damon Stefan ko wolf bite k bare mein batata hai or kehta hai k wo Elena ko na btaye. Damon khud ko marne k liye Sun me kahda hojata hai lekin Stefan use akar bacha leta hai, or usse promise karta hai k wo uska cure dhoondkar hi rahega.  Klaus Stefan se kehta hai k werewolf ki bite ka cure uska(Klaus) blood hai or wo use tabhi dega jab wo pehle ki tarha khooni darinda ban jaega or uske sath town chodkar jane ko tyar hoga. Jise proof karwane k liye wo Stefan se human ki death karwata hai or sure hone k baad Katherine k hath apna blood Damon k paas bhejta hai. Udhar Sheriff Damon ko kaed karleti hai or uspe goli chalati hai par wo goli Jeremy ko lag jati hai. Bonnie witches se Jeremy ko firse jinda karne ki request karti hai or kehti hai k wo Jeremy se pyar karti hai. Jis par witches maan jati hain lekin sath hi use warn karti hain k iske consequences use jhelne padenge. Elena Damon ka khayal rakhti hai or use kiss kardeti hai tab Damon usse kehta hai k wo usse pyar karta hai, tabhi beech main Katherine Klaus ka blood leke aajati hai. Jise pee kar Damon thik hojata hai. 

Stefan Klaus k sath town chod deta hai jiske baad season 2 wahi end hojata hai.

THANKS FOR READING!

Check out more👇👇

The Vampire Diaries- Season 1

The Vampire Diaries- Season 3

Tags : 

"vampire diaries season 2 watch online"

"the vampire diaries season 2 all episodes"

"vampire diaries season 2 episodes"

"vampire diaries season 2 cast"

"vampire diaries season 2 episode 1"

"the vampire diaries season 2 episode 10"

"the vampire diaries season 2 episode 21"